Татарские фильмы

"Шалкан"халык әкияте татар телендә икә мультфильмнар

Шалкан(Репка) Рус халык әкияте татарча мультфильмнар
Бабай шалкан утыртты. Шалкан, бик зур булды, күперде. Бабай шалканны йолкырга кереште.
Тарта, тарта — шалкан чыкмый.

Бабай, ярдәмгә Әбине дә чакырды. Әби — Бабайга, Бабай шалканга тотынды.
Әй тарталар, әй тарталар — шалкан һаман чыкмый.

Әби булышырга кызын чакырды. Кыз — Әбигә, Әби — Бабайга, Бабай шалканга тотынды.
Әй тарталар, әй тарталар — шалкан чыкмый да чыкмый.

Әбинең Кызы, Акбайны чакырды. Акбай — Кызга, Кыз — Әбигә, Әби — Бабайга, Бабай шалканга тотынды.
Әй тарталар, әй тарталар — шалкан һаман чыкмый, селкенми дә.

Акбай ярдәмгә Песине чакырып килде. Песи — Акбайга, Акбай — Кызга, Кыз — Әбигә, Әби — Бабайга, Бабай шалканга тотынды.
Әй тарталар, әй тарталар — шалкан һаман да чыкмый.

Песи Тычканны чакырып китерде. Тычкан — Песигә, Песи — Акбайга, Акбай — Кызга, Кыз — Әбигә, Әби — Бабайга, Бабай шалканга ябышты.
Әй тарталар, әй тарталар. Тарта торгач, шалкан түзмәде — төбе-тамыры белән каерылып чыкты.